١- قراءة إنجيل يوحنا ( ١٧ : ٦-١١ )
٢-الصلوات
صلاة ١ :
يـا إله المغفرة ، ساعدنـا نتخلّص من ذكريات الماضي الأليمي يللي بتجرح حياتنا المسيحيي المشتركة . ساعدنـا نتخلّص من إنقساماتنا ، ودلّنـا عدرب المصالحة حتى نقدر نسيطر ، بمساعدة روحك القدوس ، على البغض بالمحبة ، وعلى الغضب بالوداعة ، وعلى الشك بالثقة .
إلًـك يا ربّ منصلّي .
- صلاة ٢ :
يـا إله الرجـاء ، منتوجّه إلًك نحنا اللي عايشين ضياع ويأس وشك ، نحنـا اللي بأوقات كتيري منمنع الآخرين يشوفو نورَك . عطينـا وضوح الرؤيـا لنتشارك مع الآخرين نورَك . عطينـا الرّجا وعلّمنـا نحطّ ثقتنـا فيك ، وخلّي كنايسنا تكون علامات لحضورك ولعنايتك الإلهية .
إلًـك يا ربّ منصلّي .
- صلاة ٣ :
يـا إله الرحمة ، منقدّملك قلوبنا اللي عم بتفتّش عليك . طهّرنـا من أحكامنـا وآراءنـا الظالمي بالآخرين . ساعدنـا نتخلّى عن مخاوفنـا وعطينـا القوة لنبني جسور التعاضد والإخوة بقدرة روحك القدوس ، وخلّـي كنايسنـا تشارك برفع الحواجز اللي بتمنعنـا نلتقي بالآخر .
إلًـك يا ربّ منصلّي .
- صلاة ٤ :
يـا بيّنـا السماوي ، بكلمتك "هذا هو ابني الحبيب الذي عنه رضيت " خلّيتنـا نصير كلّنـا ابناءك واخوة متساويين بغضّ النظر عن إنتماءاتنـا . ساعدنـا يـا ربّ نجدّد التزامنـا بمعموديتنـا وانتماءنـا لكنيستك يللي صلّيت حتى تكون دايمًا وحدي . سامح إنقساماتنا وعطينـا روحك القدوس ، روح المعرفة والفهم حتى كل واحد منّا يكون بدورو عم يشتغل لوحدة كنيستك.
إلًـك يا ربّ منصلّي .
لمزيد من الصور الرجاء الضغط على الرابط التالي
https://www.facebook.com/VPJSchool/