ثمار الروح كتار، ومن هالثمار الفرح، وكيف اذا هالفرح مصدرو لقاءنا حول كلمة الرب، ونجاحنا بإظهار صورتو الحلوة من قلب مدرستنا الحبيبة.
سبع مراحل لمسابقة في الكتاب المقدس وصّلونا اليوم لميناء الأمانة العامة للمدارس الكاثوليكية بعين نجم، وبعد مباراة مع مدرسة الأنطونيات الحازمية، رجعنا لنكمّل فرحتنا ومعنا راية التفوّق بالمرتبة الأولى، و حملنا شعلة يسوع اللي رح تبقى مشعشعا بربوع أبونا يعقوب، بإشعاع كلمتو اللي لو السما والأرض زالت، هيي ما رح بتزول!