الكلمة هو النور الحقّ، الآتي الى العالم، والمنير كلّ إنسان.
الراعي وعي على صوت من السّماء والنجمة وشوشت المجوس ... ومشيو، والمغارة دفيت من وهج الطفل الإله ...
الكلمة صار بشرًا، فسكن بيننا ...
وهيك تجسّد الخلاص ... وفاضت أنوار الرّجاء، على العالم كلّو ...
تجسّدت يا ربّ، لأنّك بتحبني ...
تجسّدت يا ربّ، تتلمسني ... وتغمرني بدفا حبّك، وحنانك ...
جيت تفرشلي ورد رحمتك، هيك برتاح معك أكتر.
تجسّدت، تتوقف على باب قلبي ... وتدق ... وتنطرتي تا إفتحلك ... وتمدّلي إيدك، تلمسني بقوّتك، تإقوى فيك ...
تجسّدت يا ربّ ... تترسملي مشروع خلاص، عيش من خلالو كمال الفرح، وكمال الحبّ ...
عمّانوئيل ... إنت معي .. وأنا معك بدي عيش فرحة اللّقاء ... معك بدي إمشي الطّريق، تنحكي سوى أحلى حكايات، وتاخدني ، لأحلى المطارح، الملياني فرح، وحبّ، وسلام، آمين